Pet Shop Palavkovci

Никогаш не го оставајте кучето само во автомобил. Дури и да сметате дека ќе се вратите за неколку минути, не заборавајте дека температурите во затворен автомобил можат да достигнат 38℃ за 10 минути и тоа со подотворен прозорец, а за 30 минути можат да достигнат температури и до 48℃! Ако го ставате кучето само во домот, оставете го прозорецот отворен или пак вклучете вентилатор или клима. Жештината влијае лошо и на нив, не само на луѓето! Шетајте го во одредени часови од денот (рано наутро или во вечерните часови) кога температурите не го достигнуваат максимумот. И секако, секогаш носете вода со себе си (и за вас и за вашиот миленик). Проверете го тротоарот пред да излезете на прошетка. Ако е премногу жежок  на вашата рака, тогаш не е добро шепите на кучето да бидат изложени на такви температури. Ако морате да излезете, одбегнувајте кучето да се движи по асфалт и движете се на трева. Ако го оставате кучето некаде надвор на одредено време (парк за кучиња), осигурајте се дека има вода (совет плус: во водата ставете неколку коцки мраз за по некое време се уште да биде ладна) и дека местото има сенка каде што кучето ќе може да ги избегне сончевите зраци доколку почувствува дека температурите се превисоки за него. Сенки од дрвата се најдобра опција бидејќи сенката од затворени куќички можат да предизвикаат уште повеќе жештина. Давајте му ладни закуски, храната чувајте ја во фрижудер или пак направете му домашен сладолед од кучешка храна.. Внимавајте на влажноста на воздухот. Кога има премногу влага во воздухот, кучето не е во можност доволно да се излади, ова може да доведе до покачување на неговата температура и да предизвика срцев удар. Ако е жешко, приберете го кучето внатре на ладно и обезбедете му доволно вода. Ако вашето куче е од раса како паг или булдог, треба да внимавате бидејќи тие имаат помали дишни патишта и им е потешко да ослободуваат топлина. Исто така, ако вашето куче е старо, подебело или има други здравствени проблеми треба да внимавате бидејќи тие кучиња се поизложени на срцев удар предизвикан од високи температури. Ако вашето куче има долги влакна, за време на летото обезбедете му “фризура” која ќе ги олесни високите температури и нема да му предизвикува дополнителна топлина. Посетувајте го вашиот ветеринар за било какви проблеми или дополнителни прегледи и вакцини. Внимавајте на болвите кои се најзастапени во летниот период!

Секој сопственик на кучиња е законски обврзан да гарантира дека неговото милениче носи идентификациски знак. 🔸Опис: Како што напредува технологијата, денес имаме уште посовремен начин за идентификување на вашето домашно милениче. 🔸Со воведувањето на оваа технологија во 1989 година, повеќе од 6 милиони кучиња и мачки се микрочипирани во светот, со тенденција на раст. 🔸Микрочипот сега е препознаен како најефикасен и најсигурен начин за трајно идентификување на миленичето. Единствен идентификациски број е регистриран на животното, а деталите на сопственикот се во националната база на податоци. 🔸За жал, реалноста е дека многу кучиња се губат секоја година, а се проценува дека помалку од половина од исчезнатите миленичиња го наоѓаат својот сопственик. Не чекајте додека е предоцна. Намалете ја можноста за оваа несреќа користејќи ги придобивките од новата ера. Важно е да се напомене дека ако сакате да патувате со вашето домашно милениче во земјите на ЕУ, тогаш тоа мора да се вакцинира против беснило и, се разбира, да има микрочип со регистрирани податоци во пасош за миленичиња. 🔸Што е микрочип? Тоа е мал електричен уред, кој е со големина на зрно ориз. Неговиот код може да го прочита скенер. Работи на принцип на ниска фреквенција. 🔸Како се вградува микрочипот? Се користи специјално дизајниран уред за вградување. Микрочипот се инјектира преку стерилна игла под кожата на кучето. 🔸Каде е инсталиран микрочипот? Микрочипот е втиснат под кожата на кучето, помеѓу лопатките. 🔸Дали постапката е болна? Анестезијата не е неопходна и постапката не треба да предизвика поголем стрес отколку стандардната вакцинација. 🔸Како останува микрочипот? По внесувањето, ткивото што го опкружува микрочипот се врзува за него и го спречува движењето. 🔸Зошто телото не го одбива микрочипот? Направен од истиот материјал (био-компатибилно стакло) кој се користи во медицината за правење на пејсмејкер. Микрочипот и имплантационата опрема мора да се стерилизираат пред употреба, за телото да не го отфрли микрочипот. ВРШИМЕ МИКРОЧИПИРАЊЕ од страна на нашите ветеринарни лекари со долгогодишно искуство.

По долгата прошетка, од плажа, од парк, од шума и слично вашиот миленик може да се врати со валкани шепички, мокро и калливо крзно и со лоша миризба. Сигурно сте се запрашале дали тие можат да се исчистат како што се чистат мачките или потребно е да го избањате вашиот миленик.

Во денешно време се почесто се јавуваат проблеми со забите кај кучињата, тоа е така затоа што во последните 20 години нивната исхрана многу е променета. Затоа негата и грижата за нивите заби и непца е исто така важен сегмент од секојдневиетона нашите миленици. Возрасно куче има 42 заби. Кај младите кученца првите забчиња излегуваат веќе во третата недела, а во 4 месец млечните заби одпаѓаат и на нивно место доаѓаат сталните заби. Веќе во седмиот месец се очекува да има кучето комплетно оформен број на стални заби. Веќе во овој период на промена на забите настануваат и првите проблеми, каде што имаме ретенција или заостанат млечен заб, а веќе покрај него имаме испаднат стален заб. Овде мора брзо да се реагира и да се изврши корекција, особено кај изложбените кучиња (кои мора да имаат совршени заби). Ако подолго се остави во таа состојба поради задржувањето на храна забите и гингвите ке бидат подложни на воспаленија и расипување. Зошто доаѓа до забен каменец? Здравјето на забите зависи од многу причини. Генетика, исхрана, орална хигиена, начин на чување… Малите раси на кучиња имаат поголем проблем со забниот каменец. Се прашуваме зошто тоа е така? Малите раси имаат поразличен метаболизам и Ph средина од големите раси. Тој проблем посебно е присутен кај пудлиците, бишоните и малтезерите, кои можат да добијат каменец уште на првата година од својот живот. Исхраната е еден најважен фактор. Кучињата кои се хранат со мека храна се на мета. Тие што се хранат со тврда храна мораат истата да ја грицкаат и малку да ја иситнат и во тој процес вршат и механичко чистење на забите, па затоа е мала веројатноста да се створи забниот плак, односо забните наслаги. Што не е случај со меката храна. Како настанува забниот каменец? Прво на забите се ствара забниот плак , кој е леплива материја на забите од остатоци на храна и бактерии, со бледо жолта боја која лесно се отстранува. Доколку редовно не се чистат забите плакот калцифицира и настанива каменецот. Земајќи во предвид дека каменецот е со рапава содржина, на него се задржуваат уште повеќе остатоци од храна, а со тоа и стварање на нови слоеви на плак и каменец. Е сега доаѓа и потешкиот дел. Каменецот не само што се гледа на површината на забите, тој навлегува и под гингивата. Бидејќи на неговата површина има многи бактерии доаѓа и до воспаление на гингивите или Gingivitis. Тоа воспаление лесно се препознава, затоа што гингивите од бледо розеви стануваат црвени, отечени и склони кон крварење, сето тоа пропратено лош мирис. Доколку каменецот не се отстрани на време доаѓа до појава на Paradentoza, односно повлекување на гингивите, кое предизвикува и отпаѓање на забите. Доколку забележите било каква промена на забите кај вашите миленици, консултирајте стучно лице, а во меѓувреме  РЕДОВНО  чистете и одржувајте ја нивната орална хигиена. ПАЛАВКОВЦИ